O ESQUIO NO PIÑEIRO

Plantación de castiñeiros apadriñados por O Esquío

2011-02-23T08:35:00.003+01:00

A asociación cultural e ambiental O Esquío no Piñeiro acaba de darlle un toque verde á nova área de lecer que o Concello de Brión está a levantar en Lamiño, xunto ao campo de fútbol. E non o fixo de calquera forma: os seus socios acaban de organizar unha plantación de castiñeiros autóctonos que cada un dos intrépidos silvicultores coidará e apadriñará o resto da súa vida.

Dáse a circunstancia de que moitos dos participantes nesta actividade non plantaran unha árbore na súa vida, aínda que a supervisión dalgúns dos responsables máis dichos de O Esquío no Piñeiro conseguiu que a iniciativa alcanzase o éxito. Tras rematar, os participantes compartiron unha merenda na zona onde referendaron o seu compromiso co medio brionés, xa que seguirán a evolución e crecemento duns castiñeiros aos que consideran xa afillados.

Enlace: Galería de Fotografías

Fonte: El Correo Gallego

O CAMIÑO DE SANTIAGO POR ETAPAS

2010-09-21T13:31:00.004+02:00

INFORMACIÓN XERAL

SÁBADO 16 E DOMINGO 17 DE OUTUBRO
ETAPA 1> Triacastela - Sarria> 21,50 km
ETAPA 2> Sarria - Portomarín> 23,10 km
* Saída en Bus da Carballeira de Santa Minia ás 06:00 hrs.
* Durmida no pabillón municipal de Sarria

SÁBADO 23 E DOMINGO 24 DE OUTUBRO
ETAPA 3> Portomarín - Palas de Rei> 24,50 km
ETAPA 4> Palas de Rei - Arzúa> 28,7 km
* Saída en Bus da Carballeira de Santa Minia ás 06:00 hrs.
* Durmida no pabillón municipal de Palas de Rei

SÁBADO 30 E DOMINGO 31 DE OUTUBRO
ETAPA 5> Arzúa - Pedrouzo> 18,80 km
ETAPA 6> Pedrouzo - Santiago de Compostela> 20,3 km
* Saída en Bus da Carballeira de Santa Minia ás 06:00 hrs.
* Durmida no pabillón municipal de Pedrouzo

Intentarase durmir preferentemente nos pabillóns polideportivos indicados, o prezo aproximado é de 3€/dia.

É necesario levar saco de durmir ou mantas.

A manutención corre por conta de cada un.

Haberá unha furgoneta de apoio para posibles contratempos e para cargar coas mochilas.

INSCRICIÓNS

1.- Pinchar no botón de inscribirse e cubrir o formulario cos datos.

2.- Ingresar na conta 2091 0327 01 3040008195 [CAIXA GALICIA] a cantidade de 60 € indicando no concepto: "CAMIÑO DE SANTIAGO A PÉ e o NOME DO PARTICIPANTE"

INSCRICIÓNS ABERTAS

Crónica da Ruta MTB – De Camariñas a Laxe

2010-05-10T10:59:00.012+02:00

Sábado 8 de Maio de 2010. As 9 era a hora acordada para quedar na carballeira cos participantes na saida, ainda que uns cantos decidimos ir un pouco antes por eso de ir cargando as nosas bicicletas antes e de ter tempo para almorzar. Ás 8:30 non había nin dios na Carballeira, co cal decido ir tomar un café “a de Ramiro”, minutos máis tarde comezaba a aparecer o personal: por orde de chegada… Julio (un servidor), Dora e Paula (na furgoneta), Trigo, Marcos, Mario e Angel (dous rapaces novos, que nos acompañaron nesta rutiña, espero que non sexa a última), Luis Casal, Benjamín, Pintor, Suso, Denis (outro que era a primeira vez que saia con nos e que ademáis estrenaba máquina…), xa con algo de retraso chegaba Miguel e logo de chamadas e dun “quedei durmido”… media hora máis tarde chegaba Dani.

Como vedes ao final saimos 12 e máis as dúas chicas de apoido 14… mentres ia chegando a xente, e gracias a Benjamín (senon ainda o seguiríamos intentanto hoxe), procedemos a sacarlle os asientos a furgo… que traballiño dios mio!!! Marcos (na colocación) e Benjamín na distribución…[traballo en equipo] co cal en 15 min. quedaron as bicicletas colocadas e listas para sair, bueno casi, xa que faltaba Dani que como dixen antes pegaranselle as sabanas e houbo que esperar un bo anaco por el. A verdade e que a furgo dounos a vida, ia petada ata os topes, pero conseguimos meter dentro 12 bicicletas…

Tras estas primeiras peripecias e con case unha hora de retraso, partimos cara Camariñas repartíndonos en tres coches. Logo duns cuarenta minutos e case sen darnos conta alí estábamos, fronte o faro de Camariñas… montandolle as rodas de diante as máquinas, sacando a fotiño de grupo de rigor.

Sobre as 11 da maña comezabamos a pedalear, dicir que estaba un dia caralludo, non facía frio (nin calor tampouco), sen aire e sen caer unha soa gota de chuvia.

A primeira parte da ruta foi un pouco sosa, pista moi ancha e bastante ben coidada, co cal só nos tiñamos que preocupar de dar pedal e contemplar a paisaxe que era chulisima, jejeje…

Eso creíamos ata que apareceron os primeiros repeitos… a primeira subidiña corta pero intensa, pero a segunda… intensa e longa…

Empeza a selección natural a funcionar, Marcos e Miguel tirando diante coma tuzaros, Suso aguantandolle o ritmo e Luis Casal e Mario tamén se lles pegan, o resto imos detras, uns máis atras que outros... a medida que a costa vai crecendo vexo como a xente me vai pasando, ao final quedamos Pintor, Trigo, Angel e máis eu...

A verdade e que esta costiña chegoulle ben, de feito sería unha das máis duras de toda a ruta, para algúns foi incluso tan dura que tiveron que facer uso da furgoneta de apoio...

O resto do camiño sucedia sen máis incidentes que alguha “caída tonta”, unha abella que se cruzou no meu camino, e a pista ancha que nos facía chegar case sen darnos conta a Camelle, po onde pasamos sen pena nin gloria… paramos cinco minutiños a comer algo e a coller auga e seguimos tirando para diante .

A segunda metade da ruta, a que ia dende Camelle a Laxe iva ser un pouco máis divertida… punto do que nos demos conta nada máis sair de Camelle ao aoparnos con unha zona na que era imposible rodar… era unha especie de cala pequeniña na que a area máis pequena debía pesar dous kilos…pé a terra pasamos zona pedregosa e comezaba a zona MTB pura e dura…

Baixadas pedregosas, trialeras, subidas e apretar o huevo, barro, pedras e máis pedras… ata chegar a pouco antes da praia de Traba onde seguíamos a ruta por un sendeiro de taboas que bordeaba a Praia… no último tramo deste, as forzas medraran tanto tralo subidon da última baixada que ata me arriesgo a rematar esta parte da ruta ao sprint con Marcos… claro que a veteranía é un grado, eu comezo a apretar moi pronto e el reserva forzas para no último momento joderme vivo… Por orde de chegada ao segundo “avituallamento”, Marcos , Suso, Julio, Miguel, Pintor, Luis Casal, Trigo, Angel, Mario, Benjamin, Dani e Denis…

Reagrupamento na Praia de Traba, avituallamento e recuperación de folgos.

De aquí ao final pouco máis que contar foi sen máis problemas, incluso Trigo se arriesgou a atacar e ir diante ata o final… unha zona de area que nos fixo sufrir un pouquiño, alguna costa e a confusión final, que cada un chegou a Laxe ben por onde pudo… ao chegar reencontro na praza,e como sempre avituallamento final no primeiro bar que vimos…

Xa sen tomar nada, Marcos, Benjamin e Suso deixabannos e emprendían camino a Brión e o resto, comilona a base de pulpo, chipirons e raxo con chistorra…

Logo desto viaxe a Brion, reagrupamento no “Paraiso” e cada un pa súa casa.

En definitiva unha volta moi chula cun grupo de xente caraulla… e cunha pregunta no aire… cando repetimos?

RUTA BTT DE CAMARIÑAS A LAXE

2010-03-11T14:20:00.009+01:00

INSCRICIÓNS ABERTAS DENDE O 5 DE ABRIL AO 5 DE MAIO

(pincha nas imaxes para velas máis grandes)

INFORMACIÓN XERAL

DATA: sábado 8 de maio de 2010

PREZO: 10 € [Gastos de transporte]

LIMITE DE PRAZAS: 50 participantes

SAIDA EN BUS ÁS 09:00 HRS. DA CARBALLEIRA DE SANTA MINIA

DISTANCIA: 40 km aprox.

DESNIVEL ACUMULADO EN SUBIDAS: 658 m

ALTITUDE MÁXIMA/MINIMA: 191/0 m

DIFICULTADE: media/baixa

PUNTO DE PARTIDA: Faro de Camariñas

PUNTO DE FINALIZACIÓN: Praia de Soesto en Laxe

COMENTARIO SOBRE A RUTA

A ruta comeza no Faro de Camariñas ata onde chegaremos en Autobús. Sempre próximo á costa, o itinerario presentanos terreos moi variados que van requerir tanto da nosa capacidade técnica como da resitencia das nosas pernas. O tramo de camiño que bordea o mar entre a ensenada de Camelle e a praia de Traba, así como o que dende o outro extremo de Traba chega a praia de Soesto, son os de maior esixencia técnica. Nalgún momento obrigarannos a poñer pe en terra. Os tramos con pendientes máis esixentes e prolongadas atopanse a partires da Punta do Boi (Cabo Tosto), unha ver sobrepasado o pequeno cementerio dos Ingleses. Dende alí e ata chegar a Arou atravesaremos por pistas amplas a Serra de Pena Forcada, zona arbolada e onde veremos unha gran cantidade de xeradores eólicos.

Ao pouco de sair de Camariñas desfrutaremos da beleza do entorno do Cabo Vilán e do seu magnífico faro. Ao longo de toda a ruta iremonos atopando con innumerables calas de pedras redondeadas e praias de area fina que invitan a refrescarse, atravesaremos as dunas da praia de Traba por unha moderna senda de madeira que bordea a súa laguna e o final contemplaremos a espectacular praia de Soesto. A ultima subida para chegar ao alto dende o que descenderemos a Laxe faranos sudar.

INSCRICIÓNS

1.- Pinchar no botón de inscribirse e cubrir o formulario cos datos.

2.- Ingresar na conta 2091 0327 01 3040008195 [CAIXA GALICIA] a cantidade de 10 € indicando no concepto: "RUTA CAMARIÑAS - LAXE e o NOME DO PARTICIPANTE"

INSCRICIÓNS ABERTAS DENDE O 5 DE ABRIL AO 5 DE MAIO

Crónica da Ruta MTB - Brión - Santiago - Padrón

2010-03-08T12:20:00.005+01:00

O sábado 6 de marzo auguraba boa mañá para andar na bici, dia nubrado con pouco frío e non ameazaba chuvia, polo que se previa unha boa maña para pedalear. Quedada na Carballeira de Santa Minia ás 9 da mañá, dende a organización esperabamos arredor de 12 participantes, e a cousa non defraudou, ao final 12 aínda que houbo baixas salientables: Albano, Daniel Recioy, e Anxo...

Os asistentes por orde de aparición na Foto: Jorge, Fabeiro, Carlos Pintor, Julio, Trigo, Chucho, Marcos, Josito, Carlos (non estou seguro do nome pero sei a maiores que era dos Castro Barbudo de Taragoña), Miguel e Javita; saiamos puntuais da Carballeira para dirixirnos a enlazar co camiño de Santiago en Covas (Ames), a primeira parte foi bastante durecha con moitos tramos de asfalto e camiños moi embarrados e con bastantes atrancos por mor das ultimas chuvias e da tan famosa Cicloxénese explosiva...

A ruta a Santiago discorreu tranquilamente salvando pequenas incidencias como a cadea de Josito que cascou a metade de camiño, aínda que sen maiores consecuencias debido ao bo facer do tronchacadeas e da sabedoría de Javita.

Sobre as 11:30 chegabamos a Praza do Obradoiro, algúns de nos aínda sen saír do noso estupor debido as escaladas e a constancia de Carlos Pintor, que nunca se vira nestas alladas e cunha bici propia de fai 20 anos chegaba a Santiago totalmente pletórico. Fotiños de rigor que nos sacarons uns coleguitas Sevillanos.

Logo do pequeno avituallamento e de selar as credenciais na Oficina de Turismo (xa que na oficina do peregrino pasaron de nos amplamente), saiamos dirección Padrón atravesando a Rúa do Franco, Alameda e dirixíndonos cara Santa Marta para coller o camiño de Padrón.

A segunda parte da ruta foi máis levadeira con algunha que outra confusión no camiño e coa roda de Fabeiro que pedía papas por momentos. Na metade do camiño máis ou menos perdiamos un dos participantes, Javita retornaba cara Brión á altura de Francos. O resto seguiamos sen moita máis incidencia que salientar ata chegar a Padrón sobre ás 12:30 da mañá. Ao final non visitamos ningún dos monumentos, recollida das Pedronias na oficina de información de Padrón e avituallamento no Gadis que está enfronte.

Unha gran parte da expedición decidiu volver cara Brión "polo camiño máis corto", Rois, Francelos, Bastavales, Brión completando un total de 60 km aproximadamente.

A outra parte (Trigo, Miguel, Pitor e Julio) quedamos a comer en Padrón... que boas cañas, que bo pulpo, que bo raxo... para algúns o mellor da ruta. Estes últimos completaban unha etapa de 45 km xa que despois de comer e valorando o noso pésimo estado de animo e de forzas decidimos chamar a vehículos de apoio para que viñeran buscarnos.

Desta ruta aprendemos bastantes cousas:
- Por un lado, o bo que é xuntar xente de distintos clubs: As cabras tiran ó monte, Castro Barbudo. Saen ideas caralludas
- Cousas interesantes como o de facer unha ruta por Brión, que moita xente non coñece, polos montes de Rañalonga e Altamira.
- Aprender como se amaña unha cadea rota.
- Saber que o valor bicicleta non importa (vexase Carlos Pintor), senón as gañas que se teña de facer as cousas.
- QUE NON SE DEBE SAIR SEN ALMORZAR....
- etc, etc, etc ...

En fin, dar as grazas a tódolos participantes, pola súa participación e pola súa paciencia, e pedir desculpas por todo o que saiu mal. Na próxima intentaremos mellorar.

RECORDADE QUE AS PEDRONIAS ESTAN NA CASA DA CULTURA PARA QUE AS RECOLLADES.

RUTA BRIÓN - SANTIAGO - PADRÓN

2010-02-26T14:31:00.004+01:00

O próximo sábado día 6 de Marzo o Concello de Brión en colaboración coa nosa Asocación organiza unha ruta en bicicleta para facer o camiño a Padrón.

DISTANCIA: 45 km aprox.

DIFICULTADE: baixa / media

HORA DE SAÍDA: 09:00 hrs.

MÁIS DATOS:
- Saída da Carballeira de Santa Minia [Entrega de credenciais]
- Etapa Brión - Santiago polo camiño de Fisterra.
- Chegada a Catedral e selados das Credenciais.
- Etapa Santiago - Padrón polo camiño de Santiago.
- Chegada a Padrón e visita a Igrexa parroquial de Iria, a Fonte do Carme, Santiaguiño do Monte e Pedrón para o selado das credenciais.
- Entrega das credenciais seladas na Oficina de Información do Concello de Padrón e recollida das PEDRONIAS.
- Comida (Corre por conta de cada un)
- Regreso a Brión polo mesmo camiño, desviándonos na Carballeira do San Martiño en Calo para vir pola zona de Beca (Bastavales) ata a Carballeira de Santa Minia.

HORA ESTIMADA DE REGRESO:
18 hrs.

ANOTATE ANTES DO MÉRCORES DÍA 3 DE MARZO DEIXANDO O TEU COMENTARIO AQUÍ ABAIXO

CAMIÑO SANTIAGO - PADRÓN EN BICICLETA

2010-02-11T12:12:00.012+01:00

Para comezar coas actividades da asociación O ESQUIO NO PIÑEIRO temos preparada unha ruta en bicicleta, cortiña, para ir collendolle o gusto.

O próximo día 6 de Marzo imos facer o camiño dende Santiago a Padrón para recoller a PEDRONÍA (é como a compostelana pero de Padrón).

Sairemos ás 9:00 da maña da Carballeira de Santa Minia, para recorrer o camiño de Santiago a inversa, é dicir: Brión - Santiago, unha vez alí faremos o camiño Santiago Padrón.

Unha vez chegados a Padrón obliganos a visitar os enclaves ligados ao fenómeno xubilar, como a igrexa de Iria, a Fonte do Carme, o Santiaguiño do Monte e o Pedrón, situado baixo o altar maior da igrexa de Santiago. Cumplidos estes requisitos a Pedronía xa será nosa.

Logo desto, para os que queiran, buscaremos un sitio xeitoso para comer e rematada a comida volveremos para Brión, recorrendo os nosos pasos polo camiño Padrón - Santiago ata a Carballeira de San Martiño onde nos desviaremos para volver a Carballeira de Santa Minia por Beca - Bastavales.

ACTIVIDADE: Camiño de Santiago - Padrón en Bicicleta
DATA: 06/03/2010
LUGAR: Carballeira de Santa Minia
HORA DE SAIDA: 9:00 hrs.
HORA DE REGRESO: 18:00 hrs. aprox.
PREZO: 0 € (a comida corre por conta de cada un)

ANOTATE DEIXANDO O TEU COMENTARIO AQUÍ ABAIXO

ORGANIGRAMA DA ASOCIACIÓN

2010-02-11T12:12:00.011+01:00

ORGANIGRAMA DA ASOCIACIÓN

PRESIDENTA: Dora Vieiro Nogueira
TESOUREIRO: Carlos Pintor Iglesias
SECRETARIO: José Manuel Trigo Romero
VOCAL 1: Armando Patiño Nimo
VOCAL 2: Julio Mallo Nieto

O ESQUIO

2010-02-11T12:11:00.003+01:00

Inqueto, vivaracho e ousado, da gusto velo. As veces perde o medo e baixa a comer calquera cousa que se lle bote. Merece a pena ver un esquío, xa que non escapa rápidamente (sempre que non fagamos moito barullo) e trátase dun excelente trepador.

COA MOCHILA Ó LOMBO... polo Camiño do Norte

2010-02-11T10:26:00.012+01:00

A Asociación cultural medio ambiental “O esquío no Piñeiro” nace como iniciativa dun grupo de xente interesada sobre todo na protección da natureza e na protección e recuperación do patrimonio histórico-cultural de Galicia en tódolos seus ámbitos.

Sendo o 2010 o ano en que se celebra o Xacobeo, é unha ocasión que non se pode deixar pasar para promover entre os veciños do Concello de Brión e arredores o coñecemento de xeito directo da nosa terra, da súa riqueza natural, histórica, artística e cultural.

Con esta idea nace o proxecto “coa mochila ó lombo”, un proxecto que se inicia este ano con idea de continuidade, con idea de ir facendo ano a ano os diferentes camiños que percorren Galicia cara Santiago, camiño do vindeiro Ano Santo no 2021.

O proxecto organízase en torno a tres accións concretas:

1.- PREPARACIÓN E PROMOCIÓN
Nun primeiro momento un grupo de voluntarios da asociación encargaranse da fase preparatoria, facendo o percorrido tanto a pé como en bicicleta de cara a concretar o máis posible a organización e desenvolvemento da actividade así como a valorar as posibles dificultades coas que nos poidamos atopar.

Unha vez organizada a actividade darase paso á fase de promoción e inscrición. A promoción realizarase a través de carteis, trípticos e, contando coa colaboración co Concello, bandos municipais. Asimesmo farase uso das novas tecnoloxías facendo envío da publicidade a través de correo electrónico tanto ós socios como ás persoas que teñan participado en outras actividades, como ás asociacións da comarca.

2.- CAMIÑO DE SANTIAGO: O CAMIÑO DO NORTE
Para a realización deste Camiño daranse dúas opcións, formando dous grupos distintos segundo a modalidade:
- Camiño a pé: farase un grupo de máximo 30 persoas que farán o Camiño a pé en seis xornadas divididas en tres fins de semana. Os desprazamentos ata o punto de partida e desde o punto de chegada faranse en autobús. Asimesmo contarase cunha furgoneta de apoio para utilizar tanto para o transporte de material como en caso de accidente ou imprevistos.
- Camiño en bicicleta: farase un grupo de máximo 20 persoas que farán o Camiño en bicicleta en tres xornadas, concentradas nunha fin de semana. A chegada deste grupo a Santiago farase coincidir ca chegada do grupo que fai o Camiño a pé. Ó igual que no caso anterior, este grupo irá ata o punto de partida en autobús e contará cunha furgoneta de apoio.

3.- CONCURSO DE FOTOGRAFÍA “COA CÁMARA Ó LOMBO”
Co fin de promocionar as novas tecnoloxías e a expresión artística a través da fotografía dixital, promoverase entre os participantes, tanto os que fan o Camiño a pé como os que o fan en bicicleta, un concurso de fotografía en torno ó Camiño do Norte e ós lugares por onde pasa. Rematado o concurso, realizarase unha exposición coas fotografías presentadas.

ESTADE ATENTOS O BLOG XA QUE IREMOS POÑENDO NOVEDADES EN BREVE

ESTAMOS EN FACEBOOK

2010-02-11T10:26:00.011+01:00

Na era das novas técnoloxias, O ESQUIO NO PIÑEIRO estrea blog e ademáis sumase a utilización das redes sociais.

Podes atoparnos en facebook. Busca o esquio e agregao como amigo.

GRAZAS

LIBRO DE VISITAS

2010-02-11T08:07:00.000+01:00

Engade os teus comentarios sobre O ESQUIO NO PIÑEIRO

ASOCIATE

2010-02-11T08:06:00.004+01:00

CALENDARIO DE ACTIVIDADES

2010-02-11T08:05:00.001+01:00

PROXIMAS ACTIVIDADES PREVISTAS

- SÁBADO 8 DE MAIO: Ruta MTB de Camariñas a Laxe

- SÁBADO 5 DE XUÑO: I Pedalada MTB Montes de Rañalonga e Torres de Altamira

- XOVES 24 DE XUÑO: GRAN SARDIÑADA DE SAN XOÁN

- SEN DATA: Camiño de Santiago, dende o Cebreiro:

A PE: en cinco etapas
EN BICICLETA: nun fin de semana

NOTA: estas actividades poden sufrir variacións tanto nas datas coma no seu desenvolvemento. No momento da súa realización serán publicitadas adecuadamente.

CONTACTO

2010-02-11T08:04:00.004+01:00

INFORMACIÓN DE CONTACTO:

Direccion postal:
Avenida de Santa Minia, nº 95 - Pedrouzos
15865 - BRIÓN

Telefono:
660.400.604

Mail:

QUE FACEMOS

2010-02-11T08:01:00.000+01:00

QUE FACEMOS

QUEN SOMOS

2010-02-11T08:00:00.001+01:00

A asociación cultural e medioambiental O ESQUIO NO PIÑEIRO é unha entidade sen ánimo de lucro, autoxestionada e totalmente independente, na que se organizan actividades de libre participación que favorecen o intercambio e o encontro persoal.

As actividades, que se xeneran libremente a partir de iniciativas dos seus membros, están abertas a todos. O ESQUIO NO PIÑEIRO é unha asociación aberta ti mesm@ contribues a crear o espacio, á medida do teu talento e das tuas gañas de ir cara diante.

A xestión da asociación é enteiramente autofinanciada polos seus integrantes, a través de cuotas libres, donacións e subvencións do estado. É unha entidade totalmetne independente de calquera institución relixiosa, política ou social.

Son fins desta asociación os seguintes:

- Traballar pola defensa da natureza, así como pola defensa e recuperación do patrimonio histórico-cultural en todos os seus ámbitos, promovento a protección do hatitat rural e natural.

- Promover e investigar sobre o noso patriomonio histórico cultural antigo.

- Promover e propoñer a investigación, edición e divulgación etnográfica en valor da experesión cultural da zona de ámbito de actuación da Asociación.

- Cultivar os valores humanos de solidariedade e tolerancia, culturais e educativos, mediante actividades e iniciativas que axuden a melloralos e a profundizalos.

- Achegar ós mozos á realidade cultural, social, ambiental na que viven facilitando a súa participación activa a través da organización de actividades divulgativas, de ocio, deportivas, culturais, etc...

- Facer da Asociación un movemento dinamizador amplo que recolla e dea resposta a todas as inquedanzas dos diferentes grupos de poboación, e que sirva de marco de acción a todos aqueles que se queiran integrar.

- Ofertar a nosa colaboración, cando se estime pertinente, ós organismos públicos e privados que estean relacionados coa área de traballo do grupo.

- Establecer todos os vencello necesarios con outros grupos, fixando vias de colaboración de cara a unha labor máis eficaz.

INSCRICIÓN EN ACTIVIDADES

2010-01-12T14:03:00.002+01:00

Para inscribirte na actividade recorda que debes cubrir os datos do formulario (os marcados con * son obrigatorios) e logo, se a actividade non é gratuita, ingresar o prezo no número de conta 2091 0327 01 3040008195 indicando no concepto "NOME DA ACTIVIDADE e o NOME DO PARTICIPANTE".

Logo de pulsar o botón "INSCRIBIRSE" comproba o teu correo electrónico xa que recibirás a confirmación de estar correctamente inscrito.